Ang Aking Paraiso
Thursday, October 19th, 2006“Ang aking mga kaibigan ang aking Paraiso”
(October 19, 2006)
Rumaragasang unos
Walang humpay na pagsubok
Tuloy-tuloy ang agos
Ng sunod-sunod na dagok
Karanasang puno ng pighati
Sa pagitan ng rehas at ng pusong bato
Nakakubli ang sarili
Bihag ng tadhanang mapagbiro
Naulila sa maraming bagay
Sa panahon at pagkakataon
Gustong pumiglas sa kadena ng lungkot
Nais makatakas sa selda ng poot
Pagkatao’y nayagit sa pagka bilanggong ito
Tanging yaman lamang na naipon
Ay ang mga kaluluwang nakasalamuha
Sa nagdaang mga taon
Yamang aking itinago
Yamang pumawi ng pagka-inip na ito
Sa mapang-api na mundong ginagalawan
Itong aking mga tanging yaman
Ang aking paraiso
